Verð páskaeggja sem verðlagseftirlit ASÍ kannaði 31. mars sl. hefur hækkað mikið frá því í fyrra. Allar verslanirnar sem eru í samanburðinum hafa hækkað verðið frá því í fyrra nema Iceland sem hefur lækkað verð á flestum eggjum.
Verð páskaeggja sem verðlagseftirlit ASÍ kannaði 31. mars sl. hefur hækkað mikið frá því í fyrra. Allar verslanirnar sem eru í samanburðinum hafa hækkað verðið frá því í fyrra nema Iceland sem hefur lækkað verð á flestum eggjum.
Mesta hækkunin er á Freyju ríseggi nr. 9 sem hefur hækkað mest hjá Fjarðarkaupum um 28% úr 1.898 kr. í 2.435 kr. og hjá Hagkaupum um 23% úr 2.199 kr. í 2.699 kr., hjá Bónus og Krónunni um 11%, hjá Víði um 7%, hjá Nettó um 4% en lækkað í verði hjá Iceland um 3%.
Nóa Síríus páskaegg nr. 5 hefur hækkað hjá Nettó um 21%, hjá Krónunni um 17%, Fjarðarkaupum um 16%, Hagkaupum um 10%, hjá Samkaupum-Úrvali um 7%, hjá Bónus um 5% og Iceland um 4%.
Mesta lækkunin er 20% á Góu lakkrís páskaeggi nr. 4 úr 1.255 kr. í 998 kr. og Góu páskaeggi nr. 5 um 10%.
Sjá nánar samanburð í töflu á heimasíðu ASÍ.
Verðlagseftirlit ASÍ kannaði verð á páskaeggjum þann 20.3.13. og 31.3.14 Samanburðurinn er gerður í eftirfarandi verslunum: Bónus, Krónunni, Nettó, Iceland Hagkaupum, Víði, Fjarðarkaupum og Samkaupum – Úrval.
Hér er aðeins um beinan verðsamanburð að ræða, en ekki er lagt mat á gæði eða þjónustu söluaðila.
Óheimilt er að vitna í könnunina í auglýsingum og við sölu nema með heimild ASÍ.