Aldan stéttarfélag mótmælir harðlega þeirri aðför að Heilbrigðisstofnun Sauðárkróks sem fyrirhuguð er samkvæmt fjárlagafrumvarpi ríkisstjórnarinnar fyrir árið 2011. Í ár var niðurskurður á fjárveitingum til stofnunarinnar mestur meðal allra heilbrigðisstofnanna á landinu, (11 %) og nú er höggvið aftur í sama knérunn og ekki af minni krafti (ca 30%). Þetta er meðal þess sem fram kemur í ályktun sem samþykkt var á fundi stjórnar og trúnaðarráðs í dag.
Aldan stéttarfélag mótmælir harðlega þeirri aðför að Heilbrigðisstofnun Sauðárkróks sem fyrirhuguð er samkvæmt fjárlagafrumvarpi ríkisstjórnarinnar fyrir árið 2011. Í ár var niðurskurður á fjárveitingum til stofnunarinnar mestur meðal allra heilbrigðisstofnanna á landinu, (11 %) og nú er höggvið aftur í sama knérunn og ekki af minni krafti (ca 30%).
Það er algjörlega óþolandi að ráðist sé á grunnstoðir byggðar í héraðinu með þessum hætti og ljóst er að ef af fyrirhuguðum aðgerðum verður mun það leiða til uppsagna og fólksfækkunar, auk þess að rýra búsetuskilyrði héraðsins til frambúðar.
Ennfremur mótmælum við þeirri staðreynd að mest allur niðurskurður í heilbrigðiskerfinu skuli eingöngu bitna á örfáum stofnunum á landsbyggðinni með tilheyrandi áföllum fyrir þau byggðarfélög.
Aldan stéttarfélag krefst þess að Ríkisstjórn Íslands endurskoði boðaðan niðurskurð í rekstri Heilbrigðisstofnunarinnar á Sauðárkróki.
Aldan stéttarfélag beinir því til þingmanna kjördæmisins að þeir beiti sér af alefli fyrir endurskoðun á fjárheimildum til stofnunarinnar.
Þingmenn; þið voruð kjörnir á þing til að byggja upp en ekki brjóta niður !