Samkvæmt nýjum kjarasamningi sem samþykktur var 24.febrúar sl. skulu laun hækka frá 1.janúar 2016 og því þarf að leiðrétta laun afturvirkt.
Nýr kjarasamningur aðildarsamtaka ASÍ við SA frá 21. janúar 2016 var samþykktur þann 24. febrúar síðastliðinn. Samkvæmt nýjum samningi kemur 6,2% almenn launahækkun, að lágmarki kr. 15.000 á mánuði, í stað 5,5% launaþróunartryggingar. Launahækkunin gildir frá 1. janúar 2016 í stað 1. maí 2016, sem þýðir að leiðrétta þarf laun fólks aftur í tímann.
Í ljósi þessa er vert að minna félagsmenn á að skoða vel launaseðla sína til að ganga úr skugga um að launahækkanirnar hafi örugglega skilað sér. Ef einhverjar spurningar vakna ættu félagsmenn ekki að hika við að hafa samband.