Ársfundur Stapa lífeyrissjóðs var haldinn 21. maí síðastliðinn í Menningarhúsinu HOFI á Akureyri. 7 fulltrúar Öldunnar sem kjörnir voru á aðalfundi félagsins sóttu fundinn. Auk hefðbundinna ársfundarstarfa fór fram kynning á nýju réttindakerfi sem er til skoðunar hjá sjóðnum.
Ársfundur Stapa lífeyrissjóðs var haldinn 21. maí síðastliðinn í Menningarhúsinu HOFI á Akureyri. 7 fulltrúar Öldunnar sem kjörnir voru á aðalfundi félagsins sóttu fundinn.
Björn Snæbjörnsson, formaður stjórnar Stapa, flutti skýrslu stjórnar, Kári Arnór Kárason framkvæmdastjóri skýrði ársreikning sjóðsins og Bjarni Guðmundsson tryggingastærðfræðingur kynnti tryggingafræðilega úttekt sem hann gerði á sjóðnum.
Ársreikningurinn var samþykktur samhljóða að lokinni yfirferð Kára. Arne Vagn Olsen fjárfestingastjóri fór yfir fjárfestingarstefnu Stapa fyrir árið 2014 og Jóna Finndís Jónsdóttir, áhættustjóri sjóðsins, sagði frá markmiðum áhættustýringar sjóðsins. Í lok fundar kynnt Bjarni nýtt réttindakerfi sem hefur verið til skoðunar hjá sjóðnum um nokkurt skeið.