Síðasti séns að skrá sig á ókeypis námskeið
Ert þú fastur/föst í því að bjóða uppá sama meðlætið ár eftir ár? Komdu þá á ókeypis námskeið og lærðu nýjar og spennandi leiðir til að auka fjölbreytnina.
Ert þú fastur/föst í því að bjóða uppá sama meðlætið ár eftir ár og færð jafnvel hjálp frá Ora? Langar þig til þess að auka fjölbreytni og geta boðið heimilisfólki og gestum uppá skemmtilegar nýjungar í þessum ómissandi þætti í hverri máltíð?
Á þessu námskeiði kynnast þátttakendur grænmeti sem er framandi fyrir marga íslendinga, notkun á baunum, sætum kartöflur ofl. Við reynum einnig að finna nýjan spennandi vinkil á notkun á grænmeti og ávöxtum sem við þekkjum betur eins og blómkál, hvítkál, broccoli ofl. Þá verður farið yfir hvað er hægt að gera við grænmeti og ávexti sem getur komið í stað kjöts og fisks.
Loks verður farið yfir hvað er hægt að gera við ýmsar tegundir af grænmeti til að fá tilbreytingu í t.d. ketófæði og grænkerafæði og skoðaðar hugmyndir frá miðausturlanda matreiðslu, austurlenskri matreiðslu og matreiðslu frá miðjarðarhafinu.
Leiðbeinandi: Jón Daníel Jónsson, matreiðslumeistari.
Hvar og hvenær:
Sauðárkrókur – 1.október kl. 17:00-20:00
Blönduós/Skagaströnd – 2.október kl. 17:00-20:00
Hvammstangi 3.október kl. 17:00-20:00
Fullt verð: 13.900 kr. en frítt fyrir félagsmenn Öldunnar og Verslunarmannafélags Skagafjarðar.
Skráðu þig hér fyrir neðan með því að ýta á þá staðsetningu sem hentar þér.
Skráning á Blönduósi/Skagaströnd