Starfsgreinasamband Íslands boðar til ráðstefnu þann 12. janúar 2017 um lífsgæði og kjör starfsfólks í hlutastörfum og vaktavinnu. Sjónum verður beint að því hvort starfsfólk velur sér sjálft þessi störf og hvaða áhrif störf sem eru ekki með hefðbundinn vinnutíma hafa á lífsgæði fólks. Ráðstefnan fer fram á Hotel Natura og er öllum opin á meðan húsrúm leyfir en þó er nauðsynlegt að skrá sig.
Starfsgreinasamband Íslands boðar til ráðstefnu þann 12. janúar 2017 um lífsgæði og kjör starfsfólks í hlutastörfum og vaktavinnu. Sjónum verður beint að því hvort starfsfólk velur sér sjálft þessi störf og hvaða áhrif störf sem eru ekki með hefðbundinn vinnutíma hafa á lífsgæði fólks. Hvað getur starfsfólk gert til að draga úr streitu í vaktavinnu? Getur fólk valið að vinna fulla vinnu eða eru hlutastörf dulbúin kjaraskerðing? Hvernig eru kynjahlutföll meðal starfsfólks með óhefðbundinn vinnutíma? Hefur óhefðbundinn vinnutími áhrif á heilsu starfsfólks og þá hvernig?
Þessum spurningum og fleiri verður velt upp á ráðstefnunni en dagskráin er blanda af reynslusögum starfsfólks, kynning á niðurstöðum nýlegra rannsókna og umfjöllun sérfræðinga um hvernig draga megi úr neikvæðum áhrifum óhefðbundins vinnutíma.
Ráðstefnan fer fram á Hotel Natura og hefst hún klukkan 12:30 og stendur til 16:30.
Dagskrá
12:30 Setning.
12:40 Innlegg frá félagsmanni.
12:50 Kynning á niðurstöðum norrænnar rannsóknar um hlutastörf, tíðni þeirra og ástæður.
Guðbjörg Linda Rafnsdóttir, prófessor í félagsfræði hjá Háskóla Íslands.
13:35 Tímabundin störf og heilsufar á Íslandi: Niðurstöður úr heilsukönnun Hagstofu Íslands.
Kolbeinn Hólmar Stefánsson, sérfræðingur hjá Hagstofu Íslands.
14:20 Kaffihlé.
14:40 Innlegg frá félagsmanni.
14:50 Nýjustu rannsóknir á áhrifum streitu á heilsu og hver eru úrræðin!
Ingibjörg Jónsdóttir, prófessor og yfirmaður Streiturannsóknastofnunar Gautaborgar.
15:35 Leiðir til að líða betur í vaktavinnu.
Lára G. Sigurðardóttir læknir og fræðslustjóri hjá Krabbameinsfélagi Íslands.
16:20 Samantekt á niðurstöðum og ráðstefnuslit.
Ráðstefnan er öllum opin á meðan húsrúm leyfir en nauðsynlegt er að skrá sig til leiks hér.