Um 85% þjóðarinnar telja stjórnvöld bera mikla ábyrgð á því ófremdarástandi sem ríkir í húsnæðismálum hér á landi.
Þetta kemur fram í nýrri þjóðmálakönnun sem Gallup framkvæmdi fyrir Alþýðusamband Íslands (ASÍ).
Spurt var: Hversu mikla eða litla ábyrgð telur þú að stjórnvöld beri á stöðunni á húsnæðismarkaði í dag?
Alls kváðust 45% aðspurða telja ábyrgð stjórnvalda mjög mikla og 40% sögðu hana frekar mikla. Einungis 7% töldu hana frekar (5%) eða mjög litla (2%). Þá tóku 8% ekki beina afstöðu.
Um 55% kjósenda Sjálfstæðisflokksins telja stjórnvöld betra mikla ábyrgð á húsnæðiskreppunni, 69% kjósenda Framsóknarflokksins, 84% kjósenda Miðflokksins og um 90% kjósenda Samfylkingar, Viðreisnar, Pírata, Flokks fólksins og sósíalista.
Könnunin var gerð 13.-21. nóvember 2024.
Úrtak var 1.697 manns af öllu landinu, 18 ára og eldri, handahófsvaldir úr Viðhorfahópi Gallup.