Félagsmenn Verslunarmannafélagsins, Öldunnar og Iðnsveinafélags Skagafjarðar, 18-35 ára – eru boðaðir til spjallfundar á Kaffi Króki á fimmtudagskvöldið kl. 20:00
Ert þú 18-35 ára?
Ert þú félagsmaður Öldunnar stéttarfélags, Iðnsveinafélags Skagafjarðar eða Verslunarmannafélags Skagafjarðar?
Ef þú svaraðir báðum spurningum játandi, þá viljum við bjóða þér á hressan og fróðlegan fund/hitting/spjall, fimmtudaginn 30. ágúst, kl. 20.00, á Kaffi Krók. Léttar veitingar verða á boðstólum.
Þar mun verða stutt kynning á ASÍ-UNG og fyrirhuguðu þingi ASÍ-UNG sem haldið verður í Reykjavík, 14. sept. n.k. Einnig verða þrír heppnir þingfulltrúar (einn frá hverju félagi) kosnir til að mæta á sjálft þingið.
Hrefna Gerður Björnsdóttir, starfsmaður skrifstofu stéttarfélaganna, situr í stjórn ASI-UNG og mun hún stýra fundinum og svara spurningum.
Ef þið hafið einhverjar spurningar eða hugleiðingar þá endilega hafið samband við Hrefnu, í síma: 453-5433 / 453-6933 eða með netpósti í netfangið hrefna@stettarfelag.is.